સ્વયંની મથામણ

કાજલ ઓઝા વૈદ્ય લિખિત નવલકથા ''દ્રૌપદી '' પર આધારિત.....

સ્વયંને જ પૂછ્યા સવાલ એવા ને સ્વયં જ જવાબ દઇ બેઠી
જાતને ઓળખવાની મથામણમાં સ્વયં જ બબાલ થઇ બેઠી

સ્વયં જ હારતી મનોયુદ્ધમાં ને સ્વયં જ જિતની બાજી ગોઠવતી
જિત્યાનો અહંકાર એવો ચડતો કે પરાજયને ના સહી શકતી .
સ્વયં જ સારતી અશ્રુ ને સ્વયં જ સ્વયંને સમજાવતી
વાદવિવાદમાં જિતની અપેક્ષાએ જગતમાં એકાકિ થઇ બેઠી

સ્વયં જ ઝાલતી સ્વયંને ને સ્વયં જ સ્વયંને સમજાવતી
હ્રદયે રાખી પ્રિય સખાને  મનની શેરી સજાવતી
સ્વયં જ પામતી સર્વસ્વને ને સ્વયં જ હૈયાને હારતી
સુખની ક્ષણો શોધવાની મથામણમાં મળેલ સુખ પણ ખોઇ બેઠી

માન્યુ હોત કે જે મળ્યું તે સુખ જ છે તો આમ ના બેઠી હોત રેઢી (એકલી)

 ......( સરલ સુતરિયા )..........